HMUNPHIAH

Hmunphiah...........Mizo ten kan ro neih hlu tak a ni. Thenawm ram Myanmar te angin rangkachak lamah malsawmna kan dawng ve hauh lo a, India ram hmun dang anga Phaizawla leilet nei thei lah kan ni hek lo. Saudi Arabia angin Oil lamah kan hausa ve lo a, Meghalaya ram angin Lungalhtheih laihchuah tur kan nei ve hauh lo bawk. Mahse, hmunphiah-ah zawng Pathian malsawmna kan dawng teh meuh mai. Duhawm chu channa.. Duhamna avangin kan rama thil tha te hi kan chan thei zu nia. Tihnuam leh thuawih taka kan awm dawn phawt chuan kan rama thil tha te kan ei min tiamtu Pathian chuan a malsawmna min pek 'Hmunphiah' te hi ram danga kan nawr liam tawp a phal ka ring hauh lo. Mahni ram hmunphiah ngei hmantlak a siam a, ram dang hman tur a thawn chhuah hian a ei tu kan tam zawk lo ang maw. Mi hausa pakhatin hmunphiah tam tak a ching a, a hlawmin ram dangah a hralh ta a, a hlawkna hmu tu chu kha mi hausa pa kha a ni a. Ti hian ti ta ila. Mi hausa tak pakhatin Hmunphiah a ching a. Chu hmunphiah chu Mizo nula leh tlangval ten hmantlakin an siam a. Hman tlaka siam tawh hnu chu ram dangah thawn chhuah a ni ta a. A hlawkna hmu tu chu a chingtu, hmantlaka siam tu, Mizoram. Duhamna avangin kan rama thil thate hi ram dang kutah i hlan lo hram ang u.